abere ba

palindromo ilustratuen piztegia

palindromoak, abezeak eta letra irudiak

palindromoa: ezker-eskuin zein eskuin-ezker testuak eduki berbera duenean.
Euskarazko animalien izenetan badago erretrogrado eta palindromo meategi aberatsa eta aurreruntz atzeraka begiratuz hitz eta letrekin mugagabe esperimentatu daiteke. 

abere ba palindromo liburuaren aurre eta atzea

abereek hizkuntza sortu zutenekoa

Duela milaka urte, harmonian bizi zen abere-arte zoriontsu eta mutu bat… bazen behin. 

Bat-batean, aberetxoek bertsoak asmatu zituzten belarrientzako eta abereek abezeak sortu begientzako…

izkiratzarrak izkirimiriak

ipurtargiek ipuin argiak

astoak hotsak

izkirak hizkiak

hitzak zimitzak

zaldiak esaldiak

beleak ele berriak

katuak kantuan

perpausak pinpilinpausak

koral piloak korapiloak

atsotitzak amilotsak

harrak ele zaharrak

liburuak zapaburuak

abere ba palindromo liburua airox txoria orrialdean irekia

gizakien lepotik barre

Kondairak antzeztu, mitologia marraztu, abenturak bizi eta idatzi, animalien artean lagun edo etsai plantak bete, gizakiaren lepotik barre egin eta haren belarriak eta begiak  entretenituak izateko.

 

 

kar

kar

kar

karrakela

abere ba palindromo liburuko karrakela
abere ba palindromo ilustratuak palinsesto moduan

hitzi

eta pizti

jolasean

Liburu, kalabaza, ele-meleak.
Irrixti marraxte gerrena plat!
Izarra uxo, xaribari tirabira.
Xoxu arra zital, pan!…
Errege txarra, mitxirrika
ele-melea zabala kurubil.

abere ba palindromo ilustratuen hiztegia akaro goraka

animalien neurriko mundua sortu zutenekoa

Beraien neurriko mundua sortu zuten, hazkundea espiral simetrikoan oinarritua zuena eta abereek abestearen abestuz aberasten zutena. 

bestiariumetik ihesi

ehun eta bat animalien izenekin egindako palindromoak

sasi hiztegien gainetik

hizki

hitza

hizkuntzarekin

trastebilatzen

munduko lehen idatzia

Goroldioarekin adostuta, manifestu bat idatzi eta sinatu zuten. Munduko lehen idatzia izan zen hura; hobeto esateko, lehen eta bigarren idatzia. Izan ere, bi norabidetan irakur baitzitekeen, aurrekoz atzera zozo, foka eta moxalak eta atzekoz aurrera, karramarro, saguzar eta lapak. 

Ipuin hau gizakiaren etxeko bidean utzi zuten, haren belarriak eta begiak entretenituak izan eta haren lepotik barre egiteko. Eta oraindik ez du ezertxo ere ulertu.

abereen manifestu palindromoa

abere ba 1

Oso adi abere arte:
Larreko adarreko kilkerra barreka;
orro mamutak, orro mozolok,
esna otso herotsak ia biziro haziz,
arratoi zaharra te zurrupa.
Olio zopa «kolkolokolomoko»!
Irri zirri, azti harro, harra apal,
ia biraka lakarra kanta kitarratik at,
nakarra kalakari bai lapa arra.
Horra hitza, irriz irri: okomolokoloklok!
Apoz oiloa purru!
Zetarra hazi, otarra ziza horiz,
ibai kastore hostoan seko lo,
zomorro, katu, mamorro.
Akerra barre klik! okerra da.
Okerra letra ere bai da oso.

kolkolokolomoko

okomolokoloklok

anagramen amarengan sinesteko

Aspaldian, Arrano handiaren mende bizi ziren biztanleek, ama-hizkuntzagandik esaldi bat
jaso zuten.
“Harriaren mendea non da?”.
Horrezkero, 20 hizki hauek, etengabe sortzen dituzte mezu ezkutuak, argitara ekar
daitezkenak, anagramen amarengan sinesteko…

abere ba 3
abere ba 5
abere ba 7

euskaratik mundurako sortua

abere ba proiektua eta liburua euskaratik eta euskal mundurako sortua da. Hau da hain zuzuen ere, bere indar eta balio handienetarikoa: Euskaraz irudimena lantzeko eta sortzen jarraitzeko eremu berri bat ireki eta hizkuntzarekin jolasteko eta plastikoki sormena lantzeko tresna luzatzen du, orain artean hain ezaguna ez den sormen mekanismoa.

euskaraz

kakotxatzeko tronpatzeko euskarakatzeko hautsnartzeko

lanak
araka
nazan akara
kanal

abere ba 9

ele bele

ele

1 iz. Zer dela eta zer dela, leku luzeetan agertzen dena, eta toki motzetan inoiz ez. Bokaletan dagoena, kontsonantea den arren.

2 liter. ‘Ulu’ ala ‘olo’ elea.

3 iz. Letra, hitza, hizketa, berriketa, solasa, ipuina, alegia, diskurtsoa, berba, mintzoa, esamesa, atsotitza, palindromoa, kalaka, flamenkoen karranka eta tximeletak sabelean, literatura.

bele


1 iz. Hegazti hizlari orojalea, tamaina handiko burua, hegoak eta buztana tinta hau bezain beltzak dituena. Zozoaren ustetan ipurdia ere beltza omen. Beleko elezuriarekin ele-meletan amen.

2 liter. Behin bazen bele bat, bele bezain zozoa. Grip zuen izena, han eta hemen eleak eta beleak banatu zituena. Erromantikoentzat heriotza eta malenkoniaren sinbolo, arma tiro pun. Poeta belejalearen maskotak, kantua berau bezain ederra duela sinestuta, kua-kua-kua-kua karranka abesten du, moko beltz-beltza zabalduta.

ele

bele

ele

ele

bele

bele

ele

bele

ele

bele

abere ba 11

okapi pipako

okapi

1 iz. Afrikako giraffidae familiako ugaztun hausnarkari fosil bizia, jirafa-buru, lepo-motza eta izterrak zerrenda zuri-beltzez marratuak dituena. Kongoko oihanetan ehiztariengandik ihesi, hazi eta hostoak azkar jan eta hausnartzen ditu ezkutuan. Ia inork ez du benetazko okapia ikusi, haren irudiak errepresentazioa besterik ez dira eta. Irudimenezkoa apika?

2 iz. Jibra edo zerafa, jirafa eta zebraren arteko kimera.

3 iz. (ca.) Ocapi o cap i cua.

4 iz. Sasi-esploratzaile eta gamusino-bilatzaileen desioa, atzeraka hurrengoa entzungo duena:

5 pal

Inoren azti, hazi, hezi zara, laguna.
Bala berekin airean
emekiro ‘tiro’ hitza zain ipi-apa ipiniaz.
Azti hori, tori kemena, eria.
Nik ere bala banu,
galaraziz ‘ehiza’ hitza neroni…

o cap i cua

pipa

1 iz. Pipitaki papataki, bi hasierekin hazi.

2 iz. Hazia, pipita. Eguzki-lore pipita azala zerrenda zuri-beltzez ipi-apa marratua duena da.

3 iz. Belar eta hosto lehorrak erretzeko erabiltzen den tresna, aititak sudurraren punta erretzeko eta sortzaileok hausnartzeko erabilia. Pipa hartuta txoratzen zarenez, irudien errealitatea zalantzan jartzeko ere erabili izan duzu, pipa hau ez da eta pipa bat.

4 lok. Pi-pa, di-da, azkar-azkar.

5 lok. Pistola, pin-pan-pun!

aratz-nauzu-antzara-palindromoa

Bestiarium tipografiko ilustratua

abere ba liburuak proiektu honen funtsa bilduko du. Bestiario tipografiko ilustratu moduan, ehun eta bat animalien izenekin egindako palindromoak, hauen hiztegi moduko azalpena eta ilustrazioa bateratuz.

abere ba 13

euli

pilue

pilue

euli

euli

euli

euli

ikusi amarruz egia biran eta jaten ari bai, gezurra maisuki

ikusi amarruz egia biran eta jaten ari bai, gezurra maisuki

Kredituak

Ideia, diseinua, testuak eta txantxak: bigara
Ikusentzuneko errealizazioa: zazpi térdi
Hizkiekin animazioa: Unai Guerra
Tipografiak:  Georgia>> Matthew Carter, Libre Baskerville + Libre Franklin >> Pablo Impallari

abere ba liburua, Pamiela argitaletxean zein liburudendatan eros daiteke.