Gune
elkartearentzat kartelak
Gune elkartea, gizakiaren balio sakonen lanketa bilatzen duen Kulturarteko eta erlijioarteko trukerako gunea da. 2009 urtetik, Solasaldi, Meditazio saio eta Zine Forumerako kartelak diseinatu izan ditugu. Ikasturte bakoitzerako gai bat hartu degu ildo metaforiko bezela. Eskema berdin baten gainean, tipografia geometriko purua eta argazkia goi herenean.
ateak
2009-2011
Gune martxan jartzen da barne balio sakonen lanketa egitearen gogoz.
Hasiera hartatik taldearen komunikazio bidaide ibili ginen, hura osatuko zuten kontzeptu eta egitura saioetan parte hartuz.
Ateak irekitzea zen elkartearen helburua; ateak izan ziren beraz lehen garai hartako grafikaren ildoa.
leihoak
2011-2012
Ateak eta gero, leihoak; etxeak arnasa hartzeko irekidurak, zerua ikusteko bitarteak.
Batzutan plano orokorrak, bestetan xehetasun planoak erabiliz, kartel koloretsu hauetan sorpresa bilatzen da.
hormetan zehar
2012-2013
Arkitektura gizakiaren metafora moduan agertzen zaigu urte honetan ere. Leihoak, hormak, maratila… Xehetasun arkitektonikoen bidez pertsona bakoitzaren berezitasunari ere so egiten diogu.
natura hirian
2013-2014
Natura eta espiritualtasuna izanik urte honetako gaia, gure hirietan natura nola agertzen den erakutsi nahi genuen.
eskilarak
2015-2016
Eskilarak gora. Edo behera. Edozein kasutan eskilarek maila batetik bestera eramaten gaituztenez, aldaketaren adierazle dira.
