Kodearrainak

algoritmoan igerian

Ai Google! zuk datuak badituzu, badakizu arrainak nolakoak diren, zenbat pisatzen duten, zein espezie, subespezie, subgenero edo kolorekoak diren.
Baina ezin dezu aurreikusi noruntz egingo duten igeri, noiz emango duten bapateko bira marrazoarengandik ihesi. 

Ai Google! zer pentsatzen dute arrainek? pentsatzen al dute? Zer amesten dute berdelek? Zure aurreikuspen  orojakile harroan artikulu aspergarri batetara bideratuko gaituzu. Ezin dezu pentsatu ere egin arrainek maitatu, gorrotatzen dutenik. Zerbait berria asma al dezakezu?

Ai Google! Ez gaituzu itoko. Inkonsistentzia semantikoa ezin da arrantzatu, ez ulertzen saiatu ere. Esanahiaren tirania informazioaren uholdean itoko da. Poesia arrakaletan mantenduko degu biartean. Izkutuan. Zelatan. Urak gora egitean aterako degu, anemonaren garro txikien moduan berdelaren ametsen bat arrantzatu nahian. 

kode arrainak - bigara